बटर चिकन - Butter Chicken

बटर चिकन - Butter Chicken

साहित्य :

• चिकन - ५०० ग्राम (मध्यम काप केलेले)
• अद्रक लसूण ची पेस्ट - २ छोटे चमचे 
• टोमॅटो - ५०० ग्राम (मध्यम काप केलेले )
• कांदे - २ मध्यम आकाराचे ( बारीक काप केलेले )
• लाल तिखट - २ ते ३ छोटे चमचे ( किंवा आवश्यकतेनुसार )
• तेल - १/२ कप 
• कस्तुरी मेथी - १ छोटा चमचा 
• कोथिंबीर - १/२ कप 
• क्रीम - १/२ कप 
• लोणी - १ कप 
• गरम मसाला - १ छोटा चमचा 
• पाणी - २ कप 
• मीठ - चवीपुरते 

कृती :

• एका पातेल्यात चिकनचे तुकडे घ्या . त्यात १ चमचा अद्रक लसूणची पेस्ट, १ चमचा लाल तिखट आणि थोडे मीठ टाका व चांगले मिक्स करून अर्ध्या तासाकरिता बाजूला ठेवा . 
• अर्ध्या तासांनंतर ग्यासवर पॅन  ठेवा पॅन गरम झाला की त्यात थोडे तेल टाकून चिकनला जरा परतून घ्या . व काढून बाजूला ठेवा . 
• त्याच पॅन मध्ये थोडे तेल टाका , व कापलेले कांदे आणि एक चमचा लोणी टाकून कांदे हलके सोनेरी होईपर्यंत परता . 
• आता त्यात टोमॅटो , गरम मसाला , लाल तिखट , अद्रक लसूण ची पेस्ट व मीठ टाका. सर्व चांगले मिक्स करून घ्या. 
• आता मिश्रणात पाणी टाकून १० ते १५ मिनटे शिजू घ्या . टोमॅटो चांगले नरम झाले की मिश्रणाला एक पातेल्यात काढून घ्या . 
• मिक्सर ग्रॅन्डरने वा हॅन्ड मिक्सरने मिश्रणाची पेस्ट करा . 
• आता त्याच पॅन मध्ये तयार मिश्रण चाळणीने गाळून घ्या . आणखी एकदा गरम करायला ठेवा . 
• त्यात उरलेले लोणी , थोडी क्रीम आणि चिकन टाकून मिक्स करा व १० मिनिटनकरिता पकवा . 
• तुमचे बटर चिकन तयार आहे , थोडी क्रीम, थोडी कोथिंबीर आणि कापलेले कांदे टाकून सजवा . हे तुम्ही तवा नाणं अथवा पळी सोबत सर्व करू शकता . 

हैद्राबादी बिर्याणी (चिकन) - Hyderabadi Biryani (Chicken)

साहित्य :

• चिकन - १ किलो (मध्यम आकाराचे काप केलेले )
• बासमती तांदूळ - ५०० ग्राम (अर्धवट शिजलेले )
• अद्रक लसूण पेस्ट - १ छोटा चमचा 
• लाल तिखट - २ छोटे चमचे ( किंवा आवश्यकतेनुसार )
• कांदा - २ ( बारीक काप करून तेलामध्ये हलका सोनेरी परतलेला)
• धने पूड - १/२ छोटा चमचा 
• निंबू रस - २ छोटे चमचे 
• दही - २०० ग्राम 
• तेल - १/२ कप 
• जिरे - १ छोटा चमचा 
• दालचिनी - २ ते ३
• तेजपान - ३ ते ४
• शहाजिरे - १ छोटा चमचा 
• मोठी वेलची - २ ते ३
• दगडफूल - १
• मिरे - १ छोटा चमचा
• कोथिंबीर - १/२ कप ( बारीक चिरलेली )
• हिरव्या मीरची - २ ते ३ (काप केलेली )
• हळद - २ छोटे चमचे 
• तूप - १/२ काप 
• केसर - ३ ते ४ धागे ( १/२ कप दुधामध्ये किंवा पाण्यामध्ये भिजून ठेवलेले )
• मीठ - चवीनुसार 

कृती :

• एक जाड बुडाच्या पातेल्यात चिकन चांगले धुऊन घ्या . आणि त्यात सर्व मसाला टाका, लाल तिखट , अद्रक लसूण पेस्ट , हळद , धने पूड , दही , कोथिंबीर , तळलेली कांदे , निंबू रस , हिरवी मिरची आणि थोडे तेल . व मिश्रण चांगले ढवळून घ्या . तयार मिश्रण २ ते ३ तासांकरिता बाजूला ठेवा . 
• आता चिकनच्या पातेल्यामध्ये  तांदूळ टाका व  एक परत तयार करा . 
• आता त्यावर थोडे तळलेली कांदे टाका , भिजवलेले केसर टाका , व वरून तूप पसरवा . 
• पातेल्यावर झाकण ठेऊन त्याच्या कडा भिजवलेल्या कणकेच्या गोळ्याने बंद करा जेणेकरून बिर्याणी मधील वाफ बाहेर निघणार नाही . 
• आता पातेल्याला ग्यास वर ठेऊन जवळ जवळ २० ते ३० मिनिटे शिजू द्या . 
• ग्यास मंद करा व १० मिनिटे आणखी शिजू द्या जेणेकरून तांदूळ चांगला मुरेल 
• तुमची हैद्राबादी चिकन बिर्याणी तयार आहे , आता झाकणाला बाजूला करून बिर्याणीला पूर्ण मिक्स न करता चमच्याने अलगत तांदूळ बाजूला करून चिकन हलके तपकिरी झाले की नाही हे पहा . 

मसाला चहा - msala chha

साहित्य :

• पाणी  - २ कप 
• साखर - ४ चमचे किंवा आवश्यकतेनुसार 
• चहा पावडर - २ छोटे चमचे 
• दूध - १ काप किंवा आवश्यकतेनुसार 
• छोटी वेलची - २ ते ३
• लवंग - २
• आले - १ छोटा तुकडा 

कृती :

• एखाद्या खलामध्ये आले, छोटी वेलची, आणि लवंग बारीक करून घ्या . आणि बाजूला ठेवा . 
• एखाद्या पातेल्यात पाणी उकळायला ठेवा . 
• पाणी उकळले की त्यात तयार पेस्ट टाका आणि २ ते ३ मिनिटांकरिता आणखी उकळू द्या . 
• आता त्यात साखर टाका आणि चहापत्ती पावडर टाका व १ ते २ मिंटनकरिता उकळू द्या . 
• आता त्यात दूध टाका व आणखी २ ते ३ मिनिटे उकळू द्या . 
• तुमचा मसाला चहा तयार आहे, तो गरम  गरम सर्व करा . 

हरभऱ्याच्या डाळीचे वडे - Harbharyachya Daliche vade

साहित्य :

• हरभऱ्याची डाळ - २५० ग्राम 
• बेसन - १ मोठा चमचा 
• कांदा - २ मध्यम आकाराचे (बारीक काप केलेले )
• हिरवी मिरची - २ ते ३ ( बारीक काप केलेली )
• कढीपत्ता - ५ ते ६
• कोथिंबीर - १/२ वाटी ( बारीक काप केलेली)
• लाल तिखट - २ ते ३ छोटे चमचे (किंवा आवश्यकतेनुसार )
• तेल - तळण्यासाठी 
• मीठ - चवीनुसार 

कृती :

• हरभऱ्याची डाळ चांगली स्वच्छ धुऊन घ्या व २ ते ३ तासांकरिता भिजत ठेवा . 
• नंतर एखाद्या चाळणीमध्ये डाळ काढून सर्व पाणी काढून द्या . 
• आता ती मिक्सर मध्ये हलकी बारीक करा . काही हरभऱ्याची डाळ सलग राहील याची काळजी घ्या . 
• आता एक पातेल्यात डाळ घ्या , त्यात बेसन , कांदा , लालमिर्ची , हिरवी मोरची , कढीपत्ता , मोथिंबीर आणि मीठ टाकून मिश्रण चांगले एकजीव करा . 
• एक कढईत तेल गरम करायला ठेवा . दरम्यान तयार मिश्रणाचे छोतासा भाग घेऊन हातांच्या मदतीने मध्यभागी जरा दाब देऊन गोल आकार द्या . 
• तेल चांगले गरम झाले की तयार वडा अलगत तेलात सोडा . 
• वड्याचा रंग सोनेरी , चुरकुरीत झालाकी त्याला पालटून दुसरी बाजू सुद्धा तळून घ्या . 
• अश्याच पद्धतीने सर्व वडे तळून तयार करा व टोम्याटो केचप वा दह्यासोबत सर्व करा . 

निंबाचे लोणचे - Nimbache Lonche

साहित्य :

• निंबू - १/२ किलो 
• लाल तिखट - १०० ग्राम ( किंवा आवश्यकतेनुसार )
• मीठ - २०० ग्राम 
• हळद - २ छोटा चमचा 
• हिंग - १ छोटा चमचा 

कृती :

• सर्वप्रथम निंबू चांगले धूऊन पाण्यामध्ये ४ ते ५ भिजत ठेवा . नंतर निंबू बाहेर काढून साफ कपड्याने पुसून घ्या व थोडे सुकू द्या . 
• आता एक स्वच्छ पातेलं घेऊन उकडलेल्या पाण्याने स्वच्छ धुऊन घ्या . व कपड्याने पुसून कोरडे करा . 
• आता त्यात निंबाचे हव्या त्या आकाराचे काप करून टाका . काप करतानाच निंबातल्या बिया वेगळ्या करून घ्या. त्यात लाल तिकट , हिंग आणि मीठ टाकून कोरड्या चमचायने चांगले ढवळून घ्या . 
• एखादी काचेची बरणी घेऊन ती सुद्धा उकळलेल्या पाण्याने स्वच्छ धुऊन कोरडी करा .
• आता तयार मिश्रण बरणीत टाकून जवळ जवळ २० ते २५ दिवस ठेवा . दरम्यान एक ते दोन दिवसाने निंबाच्या लोणच्याला हलवीत चला जेणेकरून निंबाचे लोणचे समप्रमाणात तयार व्हायला मदत होईल . 
• तुमचे निंबाचे लोणचे तयार आहे. 

काकडीचे धपाटे - Kakdiche Dhapate

साहित्य :

• कोवळी काकडी - १/२ किलो 
• हिरवि मोरची - २ ( काप केलेली )
• ओवा - १ छोटा चमचा 
• लाल तिखट - २ छोटे चमचे ( किंवा आवश्यकतेनुसार )
• हळद - १ छोटा चमचा 
• जिरे - १ छोटा चमचा 
• कांदे - २ साधारण आकाराचे ( बारीक काप केलेले )
• बेसन - २ मोठे चमचे 
• ज्वारीचे पीठ - १ मोठा चमचा 
• तेल - २ ते ३ मोठे चमचे 
• मीठ चवीनुसार 

कृती :

• सर्वप्रथम काकडीला चांगले धुऊन किसणीने बारीक करून घ्या . 
• एक मोठ्या भांड्यात किसलेली काकडी घ्या . त्यात बेसन व ज्वारीचे पीठ टाका . जिरे, हळद , लाल तिखट , हिरवी मिरची , कांदा , ओवा  व मीठ टाकून मिश्रण चांगले एकजीव होईपर्यंत ढवळून घ्या . 
• बेसनाच्या गाठा  शिल्लक राहणार नाही याची काळजी घ्या . 
• ग्यासवर तवा ठेऊन छोट्या चमच्याने थोडे तेल पसरवा , तेल गरम झालेकी एका मोठ्या चमच्याने किंवा हाताने थोडे मिश्रण तव्यावर टाकून गोल आकार द्या . 
• थोडे तेल धोपटीच्या भोवताली सोडा , धपाटा थोड्यावेळ भाजू द्या आणि एखाद्या सराट्याच्या मदतीने त्याच्या कडा मोकड्या करून घ्या . व थोडे तेल धपाट्यावर टाका . 
• थोड्या वेळाने धपाट्याचा रंग हलका सोनेरी झाला की . त्याला पालटा .  व  दुसऱ्या बाजूलाही भाजून घ्या . 
• तुमचे गरमा गरम काकडीचे धपाटे तयार आहेत . हे तुम्ही दह्यासोबत वा लोणच्या सोबत सर्व करू शकता . 

तांदळाचे पापड - Tandache Papad

साहित्य : 

• तांदूळ पीठ  - 1vati (चांगले बारीक दळलेले)
• जिरे - १ छोटा चमचा 
• तीळ  - १ छोटा चमचा 
• मीठ - आवशकतेनुसार 

कृती :

• सर्वप्रथम १ वाटी तांदळाचे पीठ घ्या त्यात २ वाट्या  पानी थोड़े थोड़े टाकित सर्व गाठी काढीत पातळ आसे मिश्रण तयार करा . 
•  नंतर त्यात मीठ व  जिर घाल , हे मिश्रण १० मिनिटासाठी बाजूला ठेवा  
• गॅसवर एका पतेल्यात पानी उकळत ठेवा 
• पानी ऊकळल्यावर पतेल्यावर प्लेट ठेवा व त्यात दोन  चमचे  मिश्रण टाका एखादि दुसरी प्लेट झाकून दोन मिनिट शिजू  दया . 
• तोवर दुस-या प्लेटमधे दोन  चमचे मिश्रण टाकून  ठेवा . 
• दोन मिनिटानंतर पातेल्यावरची प्लेट बाजूला काढा व थंड व्हायला बाजूला ठेवा ,
• आता दुसरी मिश्रणाची प्लेट पातेल्यावरती सिजायाला ठेवा . 
• थंड व्हायला ठेवलेल्या पापडाच्या कडा चाकूच्या मदतीने हलक्या करा . व अलगत पापड काढून पालथा एखाद्या कपड्यावर टाका . 
• अश्या पद्धतीने सर्व पापड तयार करून ते उनेमध्ये जवळ जवळ २ ते ३ दिवस वळायला ठेवा .